Ադրբեջանը պլանավորում է արտահանել «Ղարաբաղ» ապրանքանիշով մեղր
Այս տարի Ադրբեջանը պլանավորում է արտահանել «Ղարաբաղ» ապրանքանիշով մեղր։ Այս խնդիրն իրականացնելու համար, տարեկսզբից սկսած 44-օրյա պատերազմի հետեւանքով ադրբեջանական հսկողության տակ անցած տարածքներ է տեղափոխվել քսան հազար մեղվաընտանիք։Կանխատեսվում է, որ այդ տարածքներում մեղվաընտանիքների թիվը հասնելու է մինչեւ երեսուն հազարի։ Ադրբեջանցի պատասխանատուները նշել են, որ այդ տարածքներում բարենպաստ պայմաններ կան մեղվաբուծության համար։ Բաքուն նախատեսում է «Ղարաբաղ» ապրանքանիշի մեղրը վաճառել ոչ միայն ներքին շուկայում, այլ նաեւ՝ արտահանել Ադրբեջանի տարածքից դուրս։
