Փաշինյանի ռեժիմի դիրքերը, չնայած ընդդիմության ակտիվ բողոքներին, դեռևս բավականին ամուր են, ցույցերի արդյունքները դեռ պարզ չեն
Regnum.ru-ն գրում է, որ Նիկոլ Փաշինյանի ռեժիմի դիրքերը, չնայած ընդդիմության ակտիվ բողոքներին, դեռևս բավականին ամուր են։ Այդ մասին REGNUM-ի թղթակցին ասել է քաղաքագետ, kavkazoved.info կայքի գլխավոր խմբագիր Անդրեյ Արեշևը։«Բողոքի ցույցերը շարունակվում են, սակայն դրանց կոնկրետ քաղաքական ելքը Փաշինյանի կառավարության հրաժարականի տեսքով, ինչպես պահանջում են ցուցարարները, տարբեր պատճառներով դեռ ակնհայտ չէ։ Գործող իշխանության կողմնակիցները մատնանշում են ընդդիմության ավելի շատ մարդկանց փողոց դուրս բերելու անկարողությունը և բողոքի ցույցերի խմբերի կապը ՀՀ երրորդ նախագահ Սերժ Սարգսյանի և հատկապես երկրորդ նախագահ Ռոբերտ Քոչարյանի հետ։
Ցուցարարներն իրենք են ընդգծում իրենց գործողությունների ոչ բռնի բնույթը և հավատարիմ են ոստիկանական ուժերը հյուծելու և բողոքի ակցիաները հնարավորինս ձգձգելու նախկին մարտավարությանը։ Դեռևս դժվար է ասել, թե նման գործողությունները որքանով կհաջողվեն, քանի որ իշխանությունները ակտիվորեն օգտագործում են ուժային ռեսուրսները և իրենց դիրքերի բավարար անսասանությունն են ցույց տալիս՝ ելնելով բացի ուժային ռեսուրսից, հասարակական կարծիքը մանիպուլյացիայի ենթարկելու իրենց կարողությամբ և օգտվում են բնակչության մեծամասնության մշտական անտարբերությունից», - ասել է Անդրեյ Արեշևը:
Հիշեցնենք, որ ապրիլի կեսերից Հայաստանում ընդդիմությունը զանգվածային բողոքի ցույցեր է անում՝ պահանջելով Նիկոլ Փաշինյանի կառավարության հրաժարականը։
