Տեղի ունեցավ «Սուրմալուի» ողբերգությունը, 2-րդ պլան մղվեց Բերձորի և Աղավնոյի հանձնումը...դեռ «Սուրմալուի» վերքը բաց, իսկ մեզ ահաբեկում են մետրոյում ռումբ տեղադրելու մասին տեղեկատվությամբ..          Շինարարները սպառնում են քանդել գաղութի պատերը, եթե իրենց աշխատավարձը չտան       Ռուսաստանը թույլ չի տա Հայաստանին ինքնասպանություն գործել.Երևանի քիթը ուրիշ ոչ ոք չի սրբի    

02 հուլ 2022 12:54

Տեսանյութ.Գլխավոր բարձունքները վերահսկողության առումով մնալու են Ադրբեջանին, դրա անվտանգը ո՞րն է, նպատակ չի եղել Բերձորը պահելու

2021-ին նոր խորհրդարանի ձեւավորումից հետո ԱԺ պատգամավոր Տիգրան Աբրահամյանը երկու անգամ հարց է ուղարկել կառավարությանը Քաշաթաղի շրջանի 6 բնակավայրերի վերաբերյալ, այդ թվում Բերձորի, Աղավնոյի, ինչը նշանակում է, որ թեման բարձրաձայնվել է. նրան ասվել է, որ ամեն ինչ քննարկվելու է հանրության հետ, ոչ մի բան գաղտնի չի արվելու: Այս մասին NEWS.am-ի հետ զրույցում նշեց ԱԺ նախկին պատգամավոր, քաղաքագետ Թեւան Պողոսյանը։


«Հիմա պարզվում է, որ այդ հարցերը քննարկվել են, ինչ-որ բաներ են արել, հանրությանն իրազեկե՞լ են: Ցավոք սրտի, պարզվում է՝ քաղաքականությունը նույնն է, ամեն ինչ գաղտնի են պահում, հետո ասում են՝ մենք պատասխանատվություն ենք կրելու: Իսկ գուցե պատասխանատվություն պետք է կրեք, որ չեք կարողացել ստեղծագործ մոտեցում ցուցաբերել, թե էդ ինչ պետք է անեիք, որ ճիշտ ձեւով օգտագործեիք նոյեմբերի 9-ի հայտարարության տեքստի մեկնաբանության խնդիրները: Որովհետեւ գրված է այլընտրանքային ճանապարհ, չի գրված՝ այլընտրանքային Լաչինի միջանցք է բացվելու: Ինչը նշանակում է, որ Լաչինի միջանցքը պետք է մնա ինչպես կա, իր ներսում կարող են մի քանի անկյուններ, միգուցե կամուրջներ, թունելներ կառուցվեն: Այսինքն եթե դու նպատակ ես դրել, որ Բերձորը մնա, ապա վստահ եմ, կգտնեին ճանապարհը այն պահելու»,-ասաց Թեւան Պողոսյանը՝ կրկին համոզմունք հայտնելով, որ հնարավոր էր պահել Բերձորը:




«Էլ չեմ ասում, որ երեք տարվա ընթացքում նախագիծ պետք է լիներ, 3 տարին անցել է, բայց մենք տեսնում ենք, որ կողքից ճանապարհ են կառուցում, մի հատ էլ փորձում են մեզ վրա վաճառել, որ որակն ավելի լավն է: Ես խոսել եմ մասնագետների հետ, ասում են, որ այս նոր ճանապարհի դեպքում գլխավոր բարձունքները այդ ճանապարհի վերահսկողության առումով, մնալու են Ադրբեջանին: Դրա անվտանգը ո՞րն է: Նպատակ չի եղել Բերձորը պահելու: Նպատակը եղել է հանձնել, դրա համար ամեն ինչ այսպես է կատարվել: Հիմա թե պայմանավորվել էին, թե վախից դրդված են արել, այս պահին մեզ համար ի՞նչ տարբերություն: Պարտված իշխանություններից միայն ու միայն նոր պարտություններ պետք է սպասել»,-ընդգծեց նա:


Թեւան Պողոսյանը համոզված է, որ ոչ մի խաղաղություն էլ չի լինելու, ինչպես չի եղել վերջին հազար տարիների ընթացքում. «Խաղաղության պայմանագիրը թղթի կտոր է: Սիրիան ու Թուրքիան էլ են պայմանագրեր կնքել, Ռուսաստանն ու Ուկրաինան էլ: Այդ «խաղաղության դարաշրջանից» ավելի վախեցեք, օրինակն էլ Նախիջեւանն է, որը 50 տարվա մեջ ամբողջովին հայաթափվեց»:


Նա ընդգծեց, որ Հայաստանի շահերով մտահոգված պետական գործիչը պետք է հասկանար, որ պետք է ինքը հեռանա՝ թույլ չտալու համար, որ ուրիշներն իրենց շահերը ոնց ցանկանան առաջ մղեն, որովհետեւ իր միջոցով են դա անում. «Դրա լավագույն օրինակը 1998-ին Լեւոն Տեր-Պետրոսյանն է տվել: Այդ մարդը դուռ բացեց, որ մենք միջազգային ասպարեզում 20 տարի կարողանայինք մեր շահերն առաջ տանել»:


Հարցին, թե որքան է պատերազմի հավանականություն այս պահին, Թեւան Պողոսյանը պատասխանեց. «Ցանկացած պահի կարող է սկսվել: «Ցանկանում ես խաղաղություն՝ պատրաստվիր պատերազմի» օրենքը բնության օրենք է: Հիմա մենք որոշել ենք բնության օրենքներին դեմ գնալ ու մտածում ենք՝ դա աշխատե՞լու է: Չի աշխատելու:




Մեկնաբանություններ


Համընկնող լուրեր