YouTube-ն արգելափակել է Տիգրան Քեոսայանի ալիքը
YouTube-ն արգելափակել է ռեժիսոր Տիգրան Քեոսայանի «Кеосаян daily» ալիքը։ Այս մասին Telegram-ում հայտնել է նրա կինը՝ RT հեռուստաալիքի գլխավոր խմբագիր Մարգարիտա Սիմոնյանը։Նա պատմեց, որ Քեոսայանին «բլոկել» են հարթակում։ Միաժամանակ նա ընդգծել է, որ Քեոսայանն ինքը չի տխրել այդ լուրից. «Իհարկե, առանց պատճառաբանության, ինչպես ընդունված է այնտեղ «համայնքում»։ Իսկ նա միայն ուրախ է»,-հավելեց Սիմոնյանը։
Նա հղում է տվել Rutube-ում Քեոսայանի ալիքին, որտեղ ռեժիսյորն ասել է, որ հարթակն ամբողջությամբ հեռացրել է ալիքի բոլոր նյութերը՝ «կանոնների լուրջ կամ կրկնվող խախտումների պատճառով»։ Ավելի վաղ Քեոսայանի դեմ պատժամիջոցներ էին կիրառել Եվրամիությունը, Մեծ Բրիտանիան, Ավստրալիան և Կանադան։
Սա առաջին դեպքը չէ, երբ արգելափակվում են ռուսալեզու ալիքները։ Ուկրաինայում ՌԴ հատուկ գործողության մեկնարկից հետո արգելափակվել են նաև RT, Sputnik, «Россия 24», «РБК», НТВ հեռուստաալիքները։ Հունիսին վիդեոհոսթինգը արգելափակել է Արկադի Ռոտենբերգի «Красный Квадрат» մեդիա ընկերության ալիքները։ Ընկերության արտադրանքի թվում կան հայտնի ծրագրեր, այդ թվում՝ «Давай поженимся!» և «Модный приговор». Այս հաղորդումների առանձին ալիքները նույնպես անհասանելի են դարձել։
