Ինչո՞ւ ԱԹՍ-ներ չգնել Իրանից,որոնք լավ որակական հատկանիշներ ունեն, տեղափոխումն էլ ավելի էժան, այլ Հնդկաստանից
Համացանցում տեղեկություններ հրապարակվեցին, որ ՀՀ ՊՆ-ն պատրաստվում է Հնդկաստանից ԱԹՍ-ներ գնել։ Հարց է ծագում՝ ինչո՞ւ դրանք չգնել հարեւան Իրանից, որոնց ԱԹՍ-ները ավելի լավ որակական հատկանիշներ ունեն, տեղափոխումն էլ ավելի էժան կլինի։ Ինչպես չհիշենք ՊՆ-ի հետ կապված կոռուպցիոն սկանդալները, Պատրոն Դավոյի՝ Դավիթ Ղազարյանի միջոցով ներկրված անորակ զենք-զինամթերքը, Եռաբլուրում դեռեւս չկառուցապատված գերեզմանները եւ այլն։ Ռուսաստանում Հայաստանից ավելի լավ գիտեն իրանական ԱԹՍ-ների գինը։ Իրանն արդեն Ռուսաստանին է մատակարարել Shahed 129 հարվածային և հետախուզական անօդաչու թռչող սարքեր, գրում է Censor.NET-ը։Իրանական անօդաչու թռչող սարքերի խմբաքանակը Կասպից ծովով ուղարկվել է Ռուսաստան, Աստրախանի և Վոլգոգրադի տարածքով ռազմական բեռը կհասցվի Ուկրաինայի սահման։
Իրանական«Շահեդ 129» ծանր հարվածային անօդաչուների ստեղծման համար հիմք են ընդունվել իսրայելական Hermes 450 անօդաչու թռչող սարքը և ամերիկյան MQ-1 Predator-ը։ «Շահեդ 129»-ի ֆյուզելյաժի երկարությունը 8 մ է, թեւերի բացվածքը՝ 16 մետր, մարտական ծանրաբեռնվածությունը՝ մինչև 400 կգ, թռիչքի արագությունը` մինչև 150 կմ/ժ շառավղով` մինչև 200 կմ, թռիչքի առավելագույն հեռավորությունը մինչև 1700 կմ: Մարտական դրոնը կարող է օդում մնալ մինչև 24 ժամ։
Ոսկան Սարգսյանի ֆեյսբուքյան էջ
