ՆԱՏՕ-ն ձեռքերը ծալած չի նստի, սպառնացել է միջամտել Սերբիա-Կոսովո սահմանին տիրող իրավիճակին
Կոսովոյում ՆԱՏՕ-ի հովանու ներքո գործող միջազգային առաքելությունը սպառնացել է միջամտել Կոսովոյի հյուսիսային մասում տիրող իրավիճակին՝ կայունության սպառնալիքի դեպքում:«Կոսովոյի հյուսիսային քաղաքներում անվտանգությանն առնչվող ընդհանուր իրավիճակը մնում է լարված: ՆԱՏՕ-ի ղեկավարության ներքո KFOR առաքելությունն ակնդետ հետևում է իրադրությանն ու պատրաստ է միջամտել, եթե կայունությունը հայտնվի սպառնալիքի տակ»,-ասվում է առաքելության տարածած հայտարարության մեջ:
Հանրապետության նախագահ Ալեքսանդր Վուչիչը հայտնել է, որ Կոսովոյի ոստիկանությունն օգոստոսի 1-ի կեսգիշերին օպերացիա կսկսի տարածաշրջանի հյուսիսում և կարգելափակի Բելգրադի կողմից տրված փաստաթղթերով քաղաքացիների մուտքը։
Կիրակի երեկոյան օդային տագնապի ազդանշաններ են հնչել Կոսովոյի հյուսիսում, որտեղ ապրողների մեծ մասը սերբեր են։ Ինքնահռչակ հանրապետության ոստիկանությունը երկու անցակետ է փակել, մարդիկ սկսել են բարիկադներ կառուցել:
