Ռուսաստանի դեմ հիբրիդային պատերազմը կհանգեցնի միջուկային տերությունների միջև հակամարտության.ՌԴ ԱԳՆ
Ռուսաստանի արտաքին գործերի նախարարություն. Ռուսաստանի դեմ հիբրիդային պատերազմը կհանգեցնի միջուկային տերությունների միջև հակամարտությանՌԴ ԱԳՆ-ի զենքի չտարածման և վերահսկման վարչության փոխտնօրեն Իգոր Վիշնևեցկին ասել է, որ Ռուսաստանի դեմ հիբրիդային ռազմական արշավ է սանձազերծվել, որը կարող է հանգեցնել միջուկային տերությունների միջև հակամարտության։ Այս մասին նա հայտարարել է ՄԱԿ-ում Միջուկային զենքի չտարածման պայմանագրին (NPT) մասնակից երկրների համաժողովում, փոխանցում է РИА Новости լրատվական գործակալությունը։ Գրում է Gazeta.ru-ն։
«Հիբրիդային ռազմական արշավ է սանձազերծվել Ռուսաստանի դեմ, որը ստիպված է պաշտպանել իր օրինական իրավունքը՝ ապահովելու իր հիմնարար անվտանգության շահերը, ինչը հղի է միջուկային տերությունների միջև ուղիղ բախման սահումով», - ասել է Վիշնևեցկին:
Ավելի վաղ Իգոր Վիշնևեցկին իր ելույթի ժամանակ ասել էր, որ միջազգային անվտանգության և ռազմավարական կայունության ոլորտում իրավիճակը վերջին շրջանում սրընթաց վատթարանում է։
Հուլիսի վերջին Ֆրանսիայի նախագահ Էմանուել Մակրոնը հայտարարել էր, որ Ռուսաստանը «նոր տեսակի գլոբալ հիբրիդային պատերազմ» է սանձազերծել Ուկրաինայի հակամարտությունում իր գործողություններով։
