Տեսանյութ.Թուրքիայում երկրպագուները ներխուժել են մարզադաշտ և հարձակվել ֆուտբոլիստների վրա          Այս հայտարարությունը ոչ մի կերպ կապ չունի ՌԴ- հետ.Ահա թե ինչի են հանգեցրել Եվրամիությունից, ՆԱՏՕ-ից և Վաշինգտոնից նոր համակարգողները       Հայաստանին է մոտենում հաջորդ ցիկլոնը    

03 սեպ 2022 14:10

Ջալալներին ու միշկաներին մեղադրանք են առաջադրում, որպեսզի վարկաբեկեն բանակը, խնդիր է դրված զինաթափել ու հայաթափել Արցախը

«Այն, որ բազմաթիվ գեներալներ սերժանտի էլ չեն ձգում, դա պարզ է։ Այն, որ Նիկոլ Փաշինյանն ինչ էլ անի, միևնույն է չի կարողանալու մաքրվել պատերազմի ու պարտության թիվ մեկ մեղավորի ու պատասխանատուի կարգավիճակից, դա էլ է պարզ։ Բայց խնդիրն այլ է։


Զինվորականներին կալանավորելը, բանակը վարկաբեկելը շատ ավելի խորքային ու հակապետական նպատակ է հետապնդում։


Ինչպես հայտնի է, Ալիևը պահանջում է ապառազմականացնել Արցախը և չվերականգնել հայկական բանակը։ Երևանից օրերս նրան զեկուցեցին, որ ՀՀ զորամիավորումներ Արցախում այլևս չկան։ Հիմա եկել է Արցախի ՊԲ–ն ոչնչացնելու փուլը, ինչն արվում է բանակային վերնախավին «փչացնելու» և վերնախավում վախի մթնոլորտ տարածելու միջոցով։


Այն, որ ջալալները մանր դեմքեր են, դա փաստ է։ Այնքան մանր, որ նույնիսկ սեփական կաշին փրկելու խիզախություն չունեն։ Բայց նրանք այս մեծ գործընթացում փոքրիկ դետալներ են։ Նրանց կալանավորում են ոչ այնքան պարտության մեղքը Նիկոլից զինվորականների վրա գցելու, որքան բանակի ոչնչացումը սահուն իրականացնելու համար։ Ջալալներին ու միշկաներին մեղադրանք են առաջադրում, որպեսզի վարկաբեկեն բանակը և դրա կազմալուծման «հանրային պահանջ» ձևավորեն։


Խնդիր է դրված զինաթափել ու հայաթափել Արցախը, ինչի շուրջ ռազմավարական համաձայնության են եկել Փաշինյան Նիկոլն ու Ալիև Իլհամը։ Վերջինս արդեն բաց տեքստով հայտարարել է այդ մասին»։


Անդրանիկ Թևանյան


ՀՀ ԱԺ պատգամավոր

Մեկնաբանություններ


Համընկնող լուրեր