Տեսանյութ. Փաշինյանի հրատապ հավաքին ներկա է նաև ՊՆ նախարարը. Mediahub.am          Մեքսիկայում պոչով երեխա է ծնվել. 2 ամիս անց նկատել են, որ աղջկա պոչը շարունակում է աճել       Ալիևը բռնել է եվրոպացիների դամարը.Ինչի՞ հետևանք է Կլաարի ադրբեջանանպաստ դիրքորշումը    

05 հոկ 2022 16:55

Թուրքիայի և Ադրբեջանի միասնությունն օրինակ է ողջ աշխարհի համար և ՀՀ-ի հետ Թուրքիայի երկխոսության զարգացումը հնարավոր է միայն մեր եղբայրների շահերը հաշվի առնելով

Թուրքիայի ազգային պաշտպանության նախարար Հուլուսի Աքարն Ադրբեջան կատարած այցի շրջանակում հանդիպել է այդ երկրի պաշտպանական արդյունաբերության նախարար Մադաթ Գուլիևի հետ: Հնադիպման ընթացքում անդրադարձ է արվել Հարավային Կովկասում տիրող իրավիճակին, գրում է «Անադոլու» գործակալությունը:

Թուրքիայի պաշտպանության նախարարության ղեկավարը հիշեցրել է, որ «պատմական հողերի ազատագրման» (չակերտները՝ Tert.am) համար 44-օրյա պատերազմից հետո Ադրբեջանը «խաղաղության ձեռք է մեկնել» (չակերտները՝ Tert.am) Հայաստանին։

«Մենք ակնկալում ենք, որ Երևանը պատշաճ կերպով կպատասխանի Բաքվի «խաղաղարար» (չակերտները՝ Tert.am) նախաձեռնություններին։ Հայաստանի հետ Թուրքիայի երկխոսության զարգացումը հնարավոր է միայն Ադրբեջանում մեր եղբայրների շահերը հաշվի առնելով»,- ընդգծել է նա։

Նրա խոսքով՝ Թուրքիայի և Ադրբեջանի միասնությունն օրինակ է ողջ աշխարհի համար։

Հուլուսի Աքարը ուշադրություն է հրավիրել երկու երկրների նախագահների վճռականության վրա՝ ավելի խորացնելու երկու երկրների միջև դաշինքը։

Մեկնաբանություններ


Համընկնող լուրեր