Պեսկովն անդրադարձել է խաղաղապահների վերաբերյալ Փաշինյանի առաջարկին
ՌԴ նախագահի մամուլի քարտուղար Դմիտրի Պեսկովը լրագրողների հետ զրույցում մեկնաբանել է Հայաստանի վարչապետ Նիկոլ Փաշինյանի՝ ռուս խաղաղապահների մանդատը 10-20 տարով երկարաձգելու առաջարկը։Խոսելով Սոչիում ՌԴ-Հայաստան-Ադրբեջան գագաթնաժողովում ռուս խաղաղապահների մանդատի երկարաձգման մասին փաստաթղթի ստորագրման հնարավորության մասին՝ Կրեմլի ներկայացուցիչն առաջարկել է սպասել հենց հանդիպմանը։
«Պետք է սպասել բուն հանդիպմանը»,- «ՌԻԱ Նովոստի»-ին ասել է ՌԴ նախագահի մամուլի քարտուղար Դմիտրի Պեսկովը։
Երկուշաբթի Սոչիում տեղի կունենա ՌԴ-Հայաստան-Ադրբեջան գագաթնաժողովը, որի ընթացքում ՌԴ նախագահ Վլադիմիր Պուտինը առանձին երկկողմ հանդիպումներ կունենա Հայաստանի վարչապետի և Ադրբեջանի նախագահի հետ։
