Մեր տարածաշրջանում հասունանում է մեծ պատերազմ. Իրանի թուլացումը ուղիղ կերպով ազդելու է Հայաստանի ու Արցախի անվտանգության վրա          Իսրայելը թաքուն օգնում է Ուկրաինային Ռուսաստանի դեմ պատերազմում ավելի մեծ մասշտաբով, քան հանրությունը գիտի       Գերմանիան, ԱՄՆ-ը և Ֆրանսիան Թուրքիայում իրենց քաղաքացիներին զգուշացրել են հնարավոր ահաբեկչությունների մասին    

07 նոյ 2022 14:30

Իրանում տեղի ունեցած ահաբեկչության գլխավոր համակարգողն Ադրբեջանի քաղաքացի է

Իրանի հետախուզության նախարարությունը պարզել է, որ օրեր առաջ տեղի ունեցած ահաբեկչության գլխավոր հանակարգողն, Ադրբեջանի քաղաքացի է։ Այդ մասին, IRNA գործակալության փոխանցմամբ, ասված է գերատեսչության տարածած հաղորդագրության մեջ։


Հետաքննության և օպերացիայի արդյունքում ինքնությունը հաստատվել և ձերբակալվել են բոլոր գործակալները, որոնք ղեկավարել և աջակցել են այդ ահաբեկչական գործողությանը։ Բացի այդ, ձերբակալվել են մի շարք այլ գործակալներ, որոնք Իրան են եկել նմանատիպ այլ օպերացիաներ իրականացնելու նպատակով։ Այսպիսով՝ ներկա դրությամբ ձերբակալվել է 26 ահաբեկիչ»,-նշված է հաղորդագրության մեջ։
Համաձայն Իրանի հետախուզության նախարարության՝ ձերբակալվածները հանդիսանում են Ադրբեջանի, Տաջիկստանի և Աֆղանստանի քաղաքացիներ։


Նշվում է, սակայն, որ ահաբեկչության գլխավոր համակարգողն Ադրբեջանի քաղաքացի է, որը թռչել է Հեյդար Ալիևի անվան միջազգային օդանավակայանից և վայրէջք կատարել Իմամ Խոմեյնիի անվան օդանավակայանում։


Ինչպես նշված է նույն հաղորդագրության մեջ, Շիրազում տեղի ունեցած ահաբեկչությանը օգնել է Մոհամմեդ Ռամեզ Ռաշիդի անունով աֆղանացին, ով հայտնի է «Աբու Բասիր» անունով։


Հաղորդագրության վերջում շեշտվում է, որ համակողմանի հետախուզական և տեխնիկական աշխատանքները կշարունակվեն այնքան ժամանակ, մինչև չհայտնաբերվեն ու չպատժվեն ահաբեկչության հետ կապ ունեցող բոլոր ահաբեկիչները՝ անկախ նրանից, երկրի ներսում են, թե դրսում։


Մեկնաբանություններ


Համընկնող լուրեր