Պեսկովը մանրամասնել է, թե ինչու Պուտինը չի մասնակցի G20 գագաթնաժողովին
G20-ի գագաթնաժողովին չմասնակցելու մասին Ռուսաստանի նախագահ Վլադիմիր Պուտինի որոշումը կապված է նրա ժամանակացույցի ու երկրում գտնվելու անհրաժեշտության հետ: Տեղեկությունը լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։«Դա հենց պետության ղեկավարի որոշումն է՝ կապված նրա ժամանակացույցի հետ, կապված ՌԴ-ում գտնվելու անհրաժեշտության հետ», - ասել է Պեսկովը։
Նշենք, որ «Մեծ քսանյակի» գագաթնաժողովը տեղի կունենա Ինդոնեզիայի Բալի կղզում նոյեմբերի 15-16-ը։ Ավելի վաղ ՌԴ ԱԳՆ-ից հայտնել էին, որ գերատեսչության ղեկավար Սերգեյ Լավրովը գագաթնաժողովում կգլխավորի Ռուսաստանի պատվիրակությունը:
