Մարտի 29-ին երկար ժամանակով լույս չի լինի բազմաթիվ հասցեներում          Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք       Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից    

19 նոյ 2022 11:46

Մոսկվան այս ամանորին նպատակահարմար չի գտնում անցկացնել հրավառություններ եւ փողոցային մեծ համերգներ

Ավելի քան 300 000 մոսկվացիներ քվեարկել են Մոսկվայում Նոր տարվա ձեւաչափի համար, մեծամասնությունը կողմ է եղել զանգվածային միջոցառումներից հրաժարվելուն։ Այս մասին իր բլոգում հայտնել է Մոսկվայի քաղաքապետ Սերգեյ Սոբյանինը։


«Նոր տարվա տոնակատարության ձեւաչափի վերաբերյալ «Ակտիվ քաղաքացի»-ում քվեարկությունը մեծ ուշադրության է արժանացել մոսկվացիների կողմից։ Երկուսուկես օրվա ընթացքում իր կարծիքն է հայտնել մոտ 300 000 մարդ։ Քաղաքի բնակիչների դիրքորոշումն արտահայտվել է չափազանց հստակ եւ համախմբված։ Քվեարկության ողջ ընթացքում մասնակիցների ավելի քան 80 տոկոսն աջակցել է ամանորյա միջոցառումների անցկացմանը եւ քաղաքի տոնական ձեւավորմանը»,- գրել է Սոբյանինը։

Նա պարզաբանել է, որ միաժամանակ 29 տոկոսը կողմ է եղել տոնակատարության սովորական ձեւաչափին, իսկ 52 տոկոսն առաջարկել է այս անգամ զերծ մնալ փողոցային զանգվածային համերգներից։ «Շնորհակալություն, բարեկամներ, ակտիվ դիրքորոշման համար։ Ձեր որոշումը կիրականացվի»,- հավելել է քաղաքապետը։


Հրավառություն եւս չի լինի։ «Հրավառություններ եւ փողոցային մեծ համերգներ այս տարի նպատակահարմար ենք համարում չանցկացնել։ Բայց միեւնույն ժամանակ Մոսկվան տոները կդիմավորի պայծառ ու զարդարված, ինչպես վայել է մեր սիրելի քաղաքին»,- գրել է քաղաքապետը։


Մեկնաբանություններ


Համընկնող լուրեր