Եվրոպացիները սկսել են այրել անտառները՝ տաքանալու համար. Interia
Եվրոպական անտառները վտանգի տակ են, քանի որ ավելի շատ մարդիկ վառելափայտն են ընտրում, որպես իրենց տները տաքացնելու ամենամատչելի միջոց, գրում է լեհական Interia-ն: Ապօրինի ծառահատումները, ածխածնի երկօքսիդով աղտոտումը և անտառահատումները էներգիայի այլ աղբյուրների համար բարձր գների հետևանքն են:
ԵՄ-ում էներգիայի մեծ մասը վերականգնվող է միայն թղթի վրա: ԵՄ-ում վերականգնվող էներգիայի գրեթե 60%-ը ստացվում է կենսավառելիքից, այսինքն՝ այրվող բույսերից կամ, որոշ դեպքերում, գյուղատնտեսական թափոններից:
Ուկրաինայում հատուկ գործողության մեկնարկից հետո, որը հանգեցրեց էներգակիրների գների կտրուկ աճին, շատ եվրոպացիներ փնտրում են էժան էներգիա։ Շատ երկրներում վառելափայտի պահանջարկը զգալիորեն գերազանցում է առաջարկը, և եվրոպական շատ անտառներում հայտնվել են անտառահատներ։ Հասարակական կազմակերպությունները զգուշացնում են, որ վառելափայտի աճող պահանջարկը կմեծացնի ապօրինի ծառահատումները և կսպառնա պահպանվող անտառներին։
