Հայաստանի իշխանությունների խաղաղության օրակարգին սատարում է բնակչության միայն 14 %-ը, իսկ 60 %-ը գտնում է, որ պետք է զինվել ու արձագանքել Ադրբեջանի սադրանքներին
Հայաստանի իշխանությունների խաղաղության օրակարգին սատարում է բնակչության միայն 14 %-ը, իսկ բնակչության գերակշիռ մասը՝ մոտ 60 %-ը, գտնում է, որ պետք է զինվել ու արձագանքել Ադրբեջանի սադրանքներին: Այս մասին վկայում են «GALLUP»-ի անցկացրած հարցման արդյունքները:Հասարակության 10%-ը գտնում է, որ պետք է դիմել արևմտյան երկրներին՝ՀՀ անվտանգությունն ապահովելու համար, մոտ 8%-ն էլ գտնում է, որ պետք է դիմել Ռուսաստանին:
Հարցման արդյունքներից պարզ է դարձել, որ ՀՀ քաղաքացիների շուրջ 40%-ը բարձր է գնահատել Ֆրանսիայի, 34%-ը՝ Իրանի և 28%-ը՝ ԱՄՆ-ի արձագանքը, որոշ չափով նաև ԵՄ-ի արձագանքը, մինչդեռ Ռուսաստանի և ՀԱՊԿ-ի արձագանքը բացասական է գնահատվել:
Հատկանշական է, որ թեև քաղաքացիները ռուսական կողմի արձագանքը ոչ բավարար են գնահատել, միևնույն ժամանակ, նրանք կարծում են, որ Ռուսաստանն այն երկիրն է, որից Հայաստանը կարող է ռազմաքաղաքական օգնություն:
Այս երկրների թվում են նաև ԱՄՆ,-ն և Իրանը, Ֆրանսիան և Հնդկաստանը, Չինաստանը:
«GALLUP»-ի հարցման արդյունքները նաև ցույց են տալիս, որ ՔՊ-ի ընտրազանգվածը նվազել է: Իշխող խմբակցությանը պատրաստ է ընտրել բնակչության միայն 17 %ը։ Միաժամանակ նվազել է նաեւ «Հայաստան» ու «Պատիվ ունեմ« դաշինքների կողմնակիցների թիվը։
«Հայաստանի» օգտին պատրաստ է քվեարկել հարցման մասնակիցների 4,5 տոկոսը, իսկ «Պատիվ ունեմ»-ի օգտին՝ 2,2 տոկոսը։
