Այո, Կիևը փորձել է սպանել ՌԴ ԶՈՒ ԳՇ պետին
Ուկրաինայի նախագահի գրասենյակի ղեկավարի խորհրդական Ալեքսեյ Արեստովիչը մեկնաբանել է The New York Times-ի տեղեկությունն այն մասին, որ Կիևը փորձել է սպանել Ռուսաստանի Դաշնության զինված ուժերի գլխավոր շտաբի պետ Վալերի Գերասիմովին։ Նրա խոսքով՝ մահափորձը եղել է ապրիլի երկրորդ կեսին կամ մայիսին՝ Խարկովի մարզի Իզյում քաղաքում։ ՌԴ իշխանությունները Գերասիմովի այս քաղաք այցելության մասին չեն հայտնել, գրում է kommersant.ru-ն։
«Եկեք բացահայտենք մի սարսափելի գաղտնիք. Գերասիմովը Իզյումում էր, և մենք հարվածեցինք Գերասիմովին։ Նման բան եղել է»,- ասել է Արեստովիչը Feigin Live YouTube ալիքի եթերում:
Նրա խոսքով՝ Կիևը «հարվածել է այն շտաբին», որտեղ գտնվում էր պարոն Գերասիմովը, սակայն նրան «հաջողվել է հարվածից կարճ ժամանակ առաջ հեռանալ»։
NYT-ը նախօրեին՝ դեկտեմբերի 17-ին, հրապարակել է նյութեր ՌԴ Գլխավոր շտաբի պետի դեմ մահափորձի մասին։ Թերթը չի հստակեցրել, թե կոնկրետ որտեղ է պլանավորել գնալ Գլխավոր շտաբի պետը, և արդյոք նա ի վերջո այցելել է այս վայր։ Հրատարակության զրուցակիցների խոսքով՝ Վաշինգտոնը գիտեր այցի մասին, սակայն ամերիկացի պաշտոնյաները նախ թաքցրել են Կիևից, իսկ երբ իմացել են հարձակման պլանների մասին, փորձել են հետ պահել դրանից։
