Ժամանակն է թեթև մեյմունությամբ Լաչինը բացել. Արդյունքում չստացան ոչ միջանցք, ոչ էլ հեղափոխություն. Արամ Սարգսյանը՝ Լավրովի «ծիծաղելի» հայտարարության մասին
«Կարդում եմ Լավրովի հայտարարությունը Լաչինի միջանցքը ԱՄԲՈՂՋԱԿԱՆ բացելու առումով ու կծիծաղեի, եթե այսքան տխուր չլիներ»։Այս մասին «Ֆեյսբուք»-ի իր էջում գրել է «Հանրապետություն» կուսակցության նախագահ Արամ Սարգսյանը՝ ներկայացնելով 2 կետ, թե ինչու է փակվել Լաչինի միջանցքը:
Ըստ Արամ Սարգսյանի՝ միջանցքը փակվել է.
ա) Սյունիքում համարժեք միջանցք ստանալու, իսկ չհաջողելու դեպքում
բ) Հայաստանում իշխանափոխության հասնելու նպատակով։
«Սա հասկացել է անգամ կամչատկյան խեցգետինը։ Արդյունքում չստացան ոչ միջանցք, ոչ էլ հեղափոխություն։ Ժամանակն է թեթև մեյմունությամբ Լաչինը բացել։ Սրանք հային ու հայի արցախաբնակ տեսակին լավ չեն ճանաչում։ Հայաստանում բարեբախտաբար արդեն ռուսամետությունը կատաստրոֆիկ ոչ պոպուլյար և հին է։
Հ.Գ.Ամբողջական բառն էլ ՄԱՍԱՄԲ փակ համարողներին հեգնելու համար եմ մեծատառերով գրել»,-գրել է Սարգսյանը։
Հիշեցնենք՝ Ռուսաստանի արտաքին գործերի նախարար Սերգեյ Լավրովը երեկ հեռախոսազրույց է ունեցել Ադրբեջանի արտաքին գործերի նախարար Ջեյհուն Բայրամովի հետ, որի ժամանակ Լավրովն ընդգծել է Լաչինի միջանցքի երկայնքով երթևեկության հնարավորինս շուտ ապաշրջափակման անհրաժեշտությունը:
