«Ադրբեջանը իրավունք ունի լիարժեք վերահսկողություն սահմանել Լաչին-Խանքենդի ճանապարհին». Ադրբեջանի փոխարտգործնախարար
Բաքուն վճռական է Հարավային Կովկասում խաղաղության, անվտանգության և զարգացման ապահովման ուղղությամբ, այս մասին հայտարարել է Ադրբեջանի փոխարտգործնախարար Խալաֆ Խալաֆովը։Պաշտոնյան միևնույն ժամանակ հայկական կողմին մեղադրել է «ռազմաքաղաքական սադրանքների» մեջ։
«Ցավոք, Հայաստանը շարունակում է խոչընդոտել տարածաշրջանում կայունության ապահովմանը՝ շարունակելով իր ռազմա-քաղաքական սադրանքները։ Չնայած բոլոր այդ դժվարություններին Ադրբեջանը լի է վճռականությամբ շարունակելու ջանքերը տարածաշրջանում զարգմացման և անվտանգության, կայուն խաղաղության ուղղությամբ», - լրագրողների հետ զրույցում ասել է Ադրբեջանի արտգործնախարարի տեղակալը։
Անդրադառնալով Լաչինի միջանցքի հարցին՝ Խալաֆովը հայտարարել է․ «Որպես իր տարածքների անվտանգության երաշխավոր Ադրբեջանը իրավունք ունի լիարժեք վերահսկողություն սահմանել Լաչին-Խանքենդի ճանապարհին՝ մեր ինքնիշխան իրավունքներին համապատասխան»։
