Հռոմի պապն անդրադարձել է Լաչինի միջանցքի արգելափակման հետևանքով ստեղծված մարդասիրական ծանր իրավիճակին
Հռոմի Ֆրանցիսկոս պապը Սուրբ Պետրոսի հրապարակում հնչեցրած իր կիրակնօրյա աղոթքում, ի թիվս այլ հարցերի, անդրադարձել է Լաչինի միջանցքի արգելափակման հետևանքով ստեղծված մարդասիրական ծանր իրավիճակին։ Այս մասին փոխանցում է Vatican.news-ը։«Ես նրանց հետ եմ, ովքեր ձմռան կեսին ստիպված են դիմակայել այս անմարդկային պայմաններին։ Միջազգային մակարդակով պետք է գործադրվեն բոլոր ջանքերը՝ խաղաղ լուծումներ գտնելու հանուն մարդկանց բարօրության»,- ասել է Ֆրանցիսկոս պապը։
