Տղամարդը նյարդայնացել է 2 տարեկան երեխայի լացի ձայնից և դուրս նետել 2-րդ հարկի պատուհանից
Ռուսաստանի Յամալ-Նենեցյան ինքնավար մարզի բնակիչը փորձել է ազատվել քաղաքացիական կնոջ երկամյա թոռնուհուց՝ երեխային դուրս նետելով երկրորդ հարկի պատուհանից:Ինչպես գրում է gazeta.ru-ն, այս մասին հայտնել են մարզի քննչական կոմիտեի լրատվական ծառայությունից։
Միջադեպը տեղի է ունեցել հունվարի 22-ի գիշերը Պրիուրալսկի շրջանի Ակսարկա գյուղում։ Հետաքննությունը պարզել է, որ 1969 թվականին ծնված ռուսաստանցին, գտնվելով ալկոհոլի ազդեցության տակ, նյարդայնացրել է փոքր աղջկա լացի ձայնից և նրան դուրս նետել երկրորդ հարկի պատուհանից։
Երեխային հաջողվել է ողջ մնալ. նա ընկել է ձնակույտի մեջ, ինչը մեղմացրել է անկման ուժգնությունը։ Շենքի հարևաններից մեկը լսել է երեխայի լացն ու աղջկան տուն բերել։ Դրանից հետո նա երեխային հանձնել է շտապօգնությանը։
Աղջկա տատիկի կողակցի նկատմամբ քրեական գործ է հարուցվել «Անչափահասի նկատմամբ սպանության փորձ» հոդվածով։ Նշվում է, որ նա նախկինում քրեական հետապնդման էր ենթարկվել։
