Պատրաստ ենք ցանկացած ձևի պատերազմի .Միջուկային զենքին կպատասխանենք միջուկային զենքով, իսկ բացահայտ առճակատմանը՝ բաց առճակատմամբ
Hwaseong-17 միջմայրցամաքային բալիստիկ հրթիռի արձակումից հետո Հյուսիսային Կորեայի առաջնորդ Կիմ Չեն Ընը հայտարարել է, որ միջուկային զենքին պատասխանելու է միջուկային զենքով։ Gazeta.ru-ի փոխանցմամբ՝ այս մասին հայտնում է «Կորեայի ձայն» ռադիոկայանը։«Կիմ Չեն Ընը ևս մեկ անգամ հիշեցրել է, որ միջուկային զենքին կպատասխանեն միջուկային զենքով, իսկ բացահայտ առճակատմանը՝ բաց առճակատմամբ»,- ասվում է հրապարակման մեջ։
ԿԺԴՀ ղեկավարը նաև ընդգծել է, որ «արագ արձագանքման ռազմավարական զինված ուժերի պատրաստականությունը պետք է խստորեն պահպանվի, որպեսզի լիովին պատրաստ լինեն զինված հակամարտություններին և ցանկացած ձևի պատերազմի»։
Ավելի վաղ պաշտոնական Փհենյանը հայտարարել էր, որ մարտի 16-ին հաջողությամբ փորձարկել է Hwaseong-17 միջմայրցամաքային բալիստիկ հրթիռը։
Միաժամանակ․ հարավկորեական Yonhap գործակալությունը, հղում անելով հարավկորեացի զինվորականներին, հայտնել է, որ Հյուսիսային Կորեան բալիստիկ հրթիռ է արձակել դեպի Ճապոնական ծով։ Արձակման փաստը հաստատել է նաեւ Ճապոնիայի ծովային անվտանգության ծառայությունը։
