ՀՀ-ում հայտնված և ձերբակալված ադրբեջանցի զինծառայողների հարազատները դիմել են ՄԻԵԴ՝ ՀՀ-ի նկատմամբ միջոցներ կիրառելու պահանջով
Հայաստանում օրերս հայտնված և այնտեղ ձերբակալված ադրբեջանցի զինծառայողների հարազատները դիմել են Մարդու իրավունքների եվրոպական դատարան (ՄԻԵԴ)՝ պահանջելով պարտավորեցնել ՀՀ իշխանություններին ապահովել նրանց անվտանգությունը և բժշկական օգնություն ցուցաբերել։Ադրբեջանական մամուլը գրում է, որ ԶԼՄ-ներում հրապարակված տեսանյութերից և ֆոտոնյութերից հետո, որոնք «պարունակում են ադրբեջանցի զինծառայողի նկատմամբ բռնության փաստեր, Հուսեյն Ախունդովի և Աքշին Բաբիրովի հարազատները դիմել են ՄԻԵԴ՝ Հայաստանի նկատմամբ միջանկյալ միջոցներ կիրառելու պահանջով»։
Մասնավորապես կոչ է արվում պարտավորեցնել Հայաստանի իշխանություններին՝ ապահովել ադրբեջանցի զինծառայողների անվտանգությունը և նրանց ցուցաբերել բժշկական օգնություն, ինչպես նաև տեղեկություններ տրամադրել նրանց գտնվելու վայրի, ձերբակալության պայմանների և առողջական վիճակի մասին։
