Տեսանյութ.Չէ՞ որ դու տղամարդ ես. ՌԴ ՊՆ-ն պատերազմը շարունակելու համար գովազդով մարտահրավեր է նետում տղամարդկանց՝ հորդորելով նրանց «ապացուցել», որ իրենք «իսկական տղամարդ» են
Ռուսաստանի պաշտպանության նախարարությունը նոր տեսագովազդ է հրապարակել, որտեղ կոչ է արվում «իսկական» տղամարդկանց միանալ բանակին:Ռուսական ռազմական գերատեսչությունը արշավ է սկսել՝ ավելի շատ տղամարդկանց պրոֆեսիոնալ զինվորականների շարքում ներգրավելու համար Ուկրաինայի դեմ պայքարում:
Գովազդը մարտահրավեր է նետում տղամարդկանց՝ հորդորելով նրանց «ապացուցել», որ իրենք «իսկական տղամարդ» են և պատրաստ են փոխելու քաղաքացիական կյանքը ռազմի դաշտի հետ:
Ըստ բրիտանական ռազմական հետախուզության և ռուսական լրատվամիջոցների զեկույցի՝ Մոսկվան այժմ ձգտում է կամավոր հիմունքներով հավաքագրել մինչև 400 հազար պրոֆեսիոնալ զինվորի՝ Ուկրաինայում պատերազմը շարունակելու համար:
Հիշեցնենք՝ լրատվամիջոցների տարբեր հրապարակումների համաձայն՝ զինվորականներ է հավաքագրում և պատրաստում նաև Ուկրաինան՝ հակագրոհ կազմակերպելու և հակահարձակում իրականացնելու նպատակով:
