Ավելորդ քաշի դեմ պատվաստանյութի վաճառքի մեկնարկը հետաձգվում է անորոշ ժամանակով
Գիտնականներն ամբողջ աշխարհում զբաղվում են ավելորդ քաշի դեմ պայքարի արդյունավետ միջոցների որոնմամբ։ Քաշի իջեցման բրիտանական ծառայություններն ակնկալում էին, որ ճարպակալման դեմ Wegovy պատվաստանյութը երկրի վաճառասեղաններին կհայտնվի այս շաբաթ, բայց աժիոտաժային պահանջարկն արտադրողին ստիպել է հետաձգել վաճառքի մեկնարկը, գրել է Daily News-ը։Կանոնավոր ներարկումներն արժանացել են NHS-ի հավանությանը, իսկ Առողջության եւ կլինիկական վարպետության ազգային ինստիտուտը դեղամիջոցը խորհուրդ է տվել ճարպակալում ունեցող տասնյակ հազարավոր բրիտանացիների։ Կարծիք կար, որ այդ խնդիրն ունեցող ավելի մեծ թվով մարդիկ են Մեծ Բրիտանիաոյում ցանկանում պատվաստվել մասնավոր կարգով։ Ենթադրություններ են արվել, թե ինչ կարող է պատահել այն բանից առաջ, երբ բրիտանական խանութներում կհայտնվի նիհարելու պատվաստանյութը։
Wegovy-ի արտադրողը՝ Novo Nordisk-ը, հույս է հայտնել, որ դեղամիջոցը խանութներում կհայտնվի «որքան հնարավոր է շուտ», բայց ստույգ ժամկետ չի նշել, տեղեկացրել է The Telegraph-ը։
Պատվաստանյութի փորձարկումները ցույց են տվել, որ այն կարող է 10 տոկոսով իջեցնել քաշը։ Մեծ Բրիտանիան նաեւ պայմանավորվել է դեղամիջոցի անհամեմատ ավելի ցածր գնի վերաբերյալ, քան ԱՄՆ-ում, որտեղ այն հասանելի է արդեն մոտ երկու տարի։ Ամերիկայում այն կարող է արժենալ ամեն ամիս 1 300 դոլար, բայց Մեծ Բրիտանիայում սահմանված է չափ՝ ամիսը մոտ 125 ֆունտ սթեռլինգ։
