Բելառուսի ՊՆ-ն հայտնել է Մինսկում եւ Գոմելում զինապարտների հետ վարժական հավաքներ սկսելու մասին
Մայիսի 11-ից հունիսի 2-ը Բելառուսում զինապարտների հետ վարժական հավաքներ կանցկացվեն։ Այս մասին ասվում է Բելառուսի պաշտպանության նախարարության Telegram-ալիքում։Նշվում է, որ հավաքները կանցկացվեն Գոմելում, ինչպես նաեւ Մոզիրի շրջանում եւ Մինսկի Լենինյան շրջանում:
Պաշտպանության նախարարությունում հայտարարել են նաեւ, որ հավաքների ընթացքում գործադիր կոմիտեների եւ վարչակազմի աշխատակիցները կմշակեն համալիր միջոցառումներ՝ կապված տարածքային զորքերի ձեւավորման եւ առաջադրանքների կատարման նախապատրաստման հետ: Հստակեցվում է նաեւ, որ հավաքների ավարտին զինապարտները կմասնակցեն հրամանատարաշտաբային զորավարժություններին:
