Այնտեղից այստեղ դասեր մի տվեք.Անդրեն ապրեց, աճեց, հայտնի դարձավ, փող աշխատեց ՀՀ-ում, հետո գնաց ԱՄՆ, վերջերս լավ հարսանիք արեց ու հիմա այնտեղից դասեր է տալիս
Զոհրապ Եգանյանն իր ֆեյսբուքյան էջում անդրադարձել է երեկ երգիչ Անդրեի կատարած գրառմանը և գրել.Երգիչ Անդրեն «դասական» հայրենասեր է, ապրեց, աճեց, հայտնի դարձավ, փող աշխատեց Հայաստանում, հետո գնաց ԱՄՆ, վերջերս լավ հարսանիք արեց ու հիմա այնտեղից «անդրօվկիանոսյան» հայրենասերը մեղադրում է մեզ «Եվրատեսիլ 2023»-ի ժամանակ ուռա գոռալու համար, քանի որ սահմանին «պատերազմ» է:
Բազամիցս խնդրել եմ, այնտեղից այստեղ դասեր մի տվեք, հարգեք երկրում մնացած ու այս ամենը սեփական մաշկի վրա զգացող ու տանող մարդկանց: Իսկ ուռա գոռալու առիթները թող անպակաս լինեն…
