Դեմ եմ Թուրքիայի էներգետիկ կախվածությանը ՌԴ-ից, չափազանց վտանգավոր է և մենք կպարտվենք
Թուրքիայի նախագահի ընդդիմադիր թեկնածու Քեմալ Քըլըչդարօղլուն հարցազրույցում ասել է, որ Թուրքիայում գազային հանգույց ստեղծելու գաղափարը վտանգավոր է համարում Անկարայի համար և որ դա սպառնում է երկրի էներգետիկ անկախությանը։«Ես դեմ չեմ լինի Մոսկվայի հետ լավ հարաբերություններին, ընդհակառակը՝ որոշ ոլորտներում, օրինակ՝ նավթաքիմիական արդյունաբերության, ալյումինի, Ռուսաստանից ստացել ենք տեխնոլոգիական ենթակառուցվածք։ Սակայն ես դեմ եմ Թուրքիայի էներգետիկ կախվածությանը Ռուսաստանից», - ասել է Քըլըչդարօղլուն՝ պատասխանելով Babala TV Youtube ալիքի հեռուստադիտողների հարցերին:
Նրա խոսքով՝ այդ կախվածությունը «չափազանց վտանգավոր է» և կարող է ապագայում մեծ խնդիրներ ստեղծել Թուրքիայի համար։
«Դուք ասում եք, որ պայմանագիր եք կնքել Ռուսաստանի հետ գազային հանգույց ստեղծելու վերաբերյալ, եթե հիմա Թուրքիան էներգետիկ առումով 30-40 տոկոսով կախված է Մոսկվայից, ապա հանգույցի ստեղծմամբ կախվածությունը կհասնի 70-80 տոկոսի, սա կապիտուլյացիա է, մենք կպարտվենք», - ասել է նախագահի թեկնածուն:
