Անվերահսկելի բարձր արյան ճնշումը կարող է հանգեցնել աչքի աղետալի վնասների, այդ թվում՝ աչքի կաթվածի, կուրության
![](https://img-fotki.yandex.ru/get/9555/121581494.ca/0_8c9d9_11faef1d_orig.jpg)
Հիպերտոնիան (արյան բարձր ճնշումը) վտանգավոր է նրանով, որ չունի հատուկ ախտանիշներ. դրա դրսեւորումները հաճախ թվում են գերհոգնածության եւ քնի պակասի հետեւանք եւ դրանց պատշաճ ուշադրություն չի դարձվում։
Մինչդեռ եթե արյան ճնշումը անընդհատ բարձր է լինում, սիրտը ավելի շատ է աշխատում՝ մարմնին արյան բավականաչափ հոսք մատակարարելու համար։ Արդյունքում այն արագ հոգնում է, հյուծվում եւ ավելի խոցելի դառնում հիվանդությունների նկատմամբ։ Թույլ եւ հիվանդ սրտանոթային համակարգը կարող է առողջության հետ կապված բազմաթիվ խնդիրների պատճառ դառնալ՝ սրտի նոպաներից մինչեւ կաթված։
«Աչքերի առողջությունն ուղղակիորեն կախված է նրանից, թե որքան կայուն է արյան ճնշումը։ Դրա անվերահսկելի տատանումների եւ հիպերտոնիայի դեպքում առաջանում են ախտանշաններ՝ կապված աչքերի եւ տեսողության հետ», - Express-ի հետ զրույցում ասել է բժիշկը։
Բժիշկը կոչ է անում ուշադրություն դարձնել հետեւալ ախտանիշներին․
Մշուշոտ տեսողություն
Աչքերի կարմրություն
Ցավ եւ անհարմարություն աչքերում
Դրանց առկայության դեպքում պետք է դիմել ակնաբույժին եւ անցնել աչքերի ամբողջական հետազոտություն, ներառյալ աչքի հատակի եւ ցանցաթաղանթի: Պետք է իմանալ, որ անվերահսկելի բարձր արյան ճնշումը կարող է հանգեցնել աչքի աղետալի վնասների, այդ թվում՝ աչքի կաթվածի, ցանցաթաղանթի վնասման եւ կուրության: