ԼՂ-ի և Աբխազիայի հավաքականների մենամարտը կարող է չկայանալ Ադրբեջանի կողմից Լաչինի միջանցքի արգելափակման պատճառով
Ekhokavkaza.com-ը գրում է, որ չճանաչված Լեռնային Ղարաբաղի Հանրապետության (Արցախի) հավաքականը պատրաստվում է Անկախ ֆուտբոլային ասոցիացիաների կոնֆեդերացիայի (ConIFA) վարկածով աշխարհի առաջնության ընտրական հանդիպմանը ինքնահռչակ Աբխազիայի Հանրապետության դեմ։ Սակայն հանդիպումը կարող է չկայանալ Ադրբեջանի կողմից Լաչինի միջանցքի արգելափակման պատճառով։Ղարաբաղի և Աբխազիայի հավաքականների մենամարտը նախատեսված է հուլիսի 10-ին։ Այն պետք է կայանա Սուխումիի «Դինամո» մարզադաշտում։
«Չնայած ստեղծված իրավիճակին, փակ ճանապարհին, մեր թիմը պատրաստվում է Աբխազիայի հետ ConIFA-ի ընտրական հանդիպմանը։ Կազմակերպվել և իրականացվել է հավաքագրում: Միակ խոչընդոտը շրջափակումն է։ Մենք հավատում ենք, որ ճանապարհը կբացվի, և մենք կկարողանանք խաղալ Աբխազիայի հետ»,- ասել է Ղարաբաղի ֆուտբոլի ֆեդերացիայի փոխնախագահ Մհեր Ավանեսյանը։
Հիշեցնենք, որ Ադրբեջանը ապրիլի վերջին Լաչինի միջանցքում անցակետ է տեղադրել Հաքարի կամրջի վրա։ Երևանն ադրբեջանական անցակետն անօրինական է համարում, քանի որ, ինչպես ասում են հայ պաշտոնյաները, այն հակասում է Հայաստանի, Ադրբեջանի և Ռուսաստանի միջև կնքված պայմանավորվածություններին, որոնցով երեք տարի առաջ ավարտվել էր Ղարաբաղյան Երկրորդ պատերազմը։
ConIFA-ի մրցաշարերին պարբերաբար մասնակցում են Աբխազիայի և Հարավային Օսիայի հավաքականները։ Աբխազիայի հավաքականը հաղթել է «Չճանաչված պետությունների» աշխարհի առաջնությունում, որն անցկացվել էր 2016 թվականին Սուխումում։ 2019 թվականին Հարավային Օսիայի հավաքականն էր դարձել առաջնության հաղթող։
