Ահաբերկչության հետևանքով ՌԴ-ում 14 մարդ է տուժել, ՌԴ նախազգուշացրել է կոշտ պատասխանի մասին
ՌԴ առողջապահության նախարարությունը ճշտել է Տագանրոգի ահաբեկչությունից տուժածների մասով տվյալները։Տասնչորս մարդ Է տուժել Տագանրոգում, որտեղ տեղի է ունեցել ահաբեկչություն, յոթին տեղափոխել են բուժհաստատություններ, եւս յոթի հոսպիտալացման կարիք չի եղել, հաղորդվում է Ռուսաստանի առողջապահության նախարարության տելեգրամյան ալիքում:
«Նախնական տվյալներով՝ տուժել է 14 մարդ, որոնցից 7-ը շտապօգնության բրիգադներով տեղափոխվում են տարածաշրջանի բուժհաստատություններ։ Եվս յոթ տուժածի օգնություն է ցուցաբերվել ամբուլատոր հիմունքներով, նրանց հոսպիտալացման կարիք չի եղել»,-ասված է հաղորդագրության մեջ:
Մասնագետները ցուցաբերում են անհրաժեշտ օգնություն։ Ռուսաստանի առողջապահության նախարարության Աղետների բժշկության դաշնային կենտրոնը համակարգում է բժշկական օգնության տրամադրումը, պարզաբանել են նախարարությունում:
Տագանրոգում, ըստ ամենայնի, պայթյունի պատճառը հրթիռն է եղել։ Ուկրաինական աղբյուրները տարածում են կադրերը։
Ռուսաստանն իրեն իրավունք է վերապահում կոշտ պատասխան միջոցներ ձեռնարկել Ուկրաինայի կողմից Տագանրոգի գնդակոծությունից և Մոսկվայի վրա ԱԹՍ-ների հարձակումից հետո, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
«Խստորեն դատապարտում ենք Կիևի ռեժիմի հերթական հանցավոր գործողությունները՝ ուղղված քաղաքացիական բնակչության և խաղաղ ենթակառուցվածքների դեմ։
Նրանք ակնհայտորեն ռազմական նշանակություն չունեին։ Կոչ ենք անում միջազգային հանրությանը և կազմակերպություններին հանդես գալ Ուկրաինայի իշխանությունների կողմից ահաբեկչական մեթոդների կիրառման դատապարտմամբ», - ասվում է Զախարովայի մեկնաբանության մեջ, որը հրապարակվել է ԱԳՆ կայքում:
«Ռուսական կողմն իրեն իրավունք է վերապահում կոշտ պատասխան միջոցներ ձեռնարկել», - հավելել է նա:
«Խստորեն դատապարտում ենք Կիևի ռեժիմի հերթական հանցավոր գործողությունները՝ ուղղված քաղաքացիական բնակչության և խաղաղ ենթակառուցվածքների դեմ։
Նրանք ակնհայտորեն ռազմական նշանակություն չունեին։ Կոչ ենք անում միջազգային հանրությանը և կազմակերպություններին հանդես գալ Ուկրաինայի իշխանությունների կողմից ահաբեկչական մեթոդների կիրառման դատապարտմամբ», - ասվում է Զախարովայի մեկնաբանության մեջ, որը հրապարակվել է ԱԳՆ կայքում:
«Ռուսական կողմն իրեն իրավունք է վերապահում կոշտ պատասխան միջոցներ ձեռնարկել», - հավելել է նա:
