Տեսանյութ.Պակիստանում ահաբեկչության հետևանքով շուրջ 40 մարդ է զոհվել, ավելի քան 200-ը վիրավորվել
Պակիստանի Խայբեր Փախտունխվա նահանգում առնվազն 39 մարդ է զոհվել, երբ ռումբը պայթել է պահպանողական կրոնական Jamiat Ulema-e-Islam (JUI-F) միջոցառման ժամանակ. հայտնում է AFP գործակալությունը՝ հղում անելով նահանգի առողջապահության նախարար Ռիազ Անվարին։Ավելի վաղ պակիստանյան Geo հեռուստաալիքն իր կայքում հայտնել էր 35 զոհվածների մասին։ Հեռուստաալիքի տվյալներով՝ վիրավորների թիվն անցնում է 200-ից։ Նրանց թվում է հեռուստաալիքի օպերատորը, ով գլխի ծանր վնասվածք է ստացել։ Մահացածների թվում, ըստ Geo-ի, կա JUI-F կուսակցության տեղական կառույցի ղեկավարը։
