Իրանի ԻՀՊԿ ՌԾՈւ-ն ներկայացրել է նոր նավեր, որոնք զինված են 600 կիլոմետր հեռահարությամբ հրթիռներով
Իսլամական հեղափոխության պահապանների կորպուսի (ԻՀՊԿ, ԶՈւ էլիտար զորամասեր) ռազմածովային ուժերը չորեքշաբթի ներկայացրել են նոր նավ՝ զինված 600 կիլոմետր հեռահարությամբ հրթիռներով, տեղեկացրել է Tasnim գործակալությունը։Նավերը ներկայացվել են զորավարժությունների համատեքստում, որոնք սկսվել են չորեքշաբթի առավոտյան Պարսից ծոցի Աբու Մուսա կղզում, որի տարածքային պատկանելությունը Իրանը վիճարկում է արաբական մի շարք երկրների հետ։
«ԻՀՊԿ ՌԾՈւ-ն առաջին անգամ Պարսից ծոցում փորձարկել է «Շահիդ Հաջի» հատուկ ստորաբաժանման նավերը, որոնք զինված են 600 կիլոմետր հեռահարությամբ հրթիռներով՝ պաշտպանելու համար իրանական կղզիների տարածքային ամբողջականությունը»,- նշվել է հաղորդագրությունում։
