Միգուցե Ադրբեջա՞նն է լուրջ բանի նախապատրաստվում
Ադրբեջանի պաշտպանության նախարարությունը հերթական վտանգավոր պատեղեկատվությունն է տարածել, որին անդրադարձել է ՌԴ պետական ՏԱՍՍ լրատվական գործակալությունը:Ըստ ադրբեջանի պաշտպանական գերատեսչության՝ ԱՀ Պաշտպանության նախարարության ստորաբաժանումները ամրացնում են մարտական դիրքերը, դրանք համալրում անձնակազմով, զինամթերքով, ինչպես նաև նախապատրաստում նոր պաշտպանական գծեր, խրամատներ, երկարաժամկետ պաշտպանական կառույցներ:
Ադրբեջանական կողմը պնդում է նաև, որ Արցախի զինված ուժերը հակաօդային պաշտպանության և էլեկտրոնային հակազդման միջոցներ են տեղակայում պաշտպնական շրջաններում: Վերջում էլ ադրբեջանական կողմը ցանկացած հնարավոր իրադարձությունների ողջ պատասխանատվությունը դրնում է Հայաստանի ղեկավարության վրա։
Արցախի և Հայաստանի պաշտպանության նախարարությունները բազմիցս հերքել են Ադրբեջանի նման ապատեղեկատվությունները: Ադրբեջանական կողմը, իր նենգ գործելաոճին հավատարիմ, նման կեղծիքներ է տարածում իր կողմից նախապատրաստվող ռազմական ագրեսիայից առաջ, այս դեպքում թիրախում արդեն 8 ամիս բլոկադայի մեջ գտնվող Արցախի ժողովուրդն է:
