Բաքուն «մարդասիրական» օգնություն է ուղարկելու Ստեփանակերտ, պատրաստ են այլ անհրաժեշտ ապրանքներ էլ ուղարկել, եթե իրենց քայլը գնահատվի
Ադրբեջանական լրատվամիջոցները գրում են, որ Ադրբեջանը պատրաստվում է մարդասիրական օգնություն ուղարկել ԼՂ ժողովրդին։Ադրբեջանի Կարմիր մահիկի ընկերության ղեկավար Նովրուզ Ասլանը հայտարարել է, որ նախնական փուլում կուղարկվի 40 տոննա ալյուր։
«Մենք հուսով ենք, որ այս քայլը դրական կընդունվի Ստեփանակերտում ապրող հայերի և միջազգային հանրության կողմից»,- ասել է նա։
Ըստ ադրբեջանական կողմի՝ վարչությունը խոստանում է ապագայում մատակարարել այլ անհրաժեշտ ապրանքներ, եթե, ըստ նրանց, իրենց քայլը գնահատվի:
