Մինչև տարեվերջ պատրաստ կլինի Աջափնյակ մետրոյի կայարանի նախագիծը, կառուցվող 24 մանկապարտեզից միայն 5-ը Աջափնյակում է. Տիգրան Ավինյան
«Քաղաքացիական պայմանագիր» կուսակցության Երևանի քաղաքապետի թեկնածու Տիգրան Ավինյանն այսօր քարոզարշավի շրջանակում Աջափնյակում էր: Բնակիչների հետ հանդիպման ժամանակ նա անդրադարձավ վթարային շենքերի, ճանապարհների, Աջափնյակ մետրոյի կայարանի և այլ հարցերի.«Մայրաքաղաքում կառուցվում է 24 մանկապարտեզ, որից միայն 5-ը՝ Աջափնյակում: Հիմնանորոգվում է հարյուրավոր կիլոմետր ճանապարհ, որից 11-ը՝ միայն Աջափնյակում։ Կառուցվում են այգիներ, բակեր, և այսպես շարունակ։ Այս ամենը եղել է ձեր պահանջով»,- նշեց նա։
Տիգրան Ավինյանն անդրադառնալով մետրոյի կայարանի կառուցմանը նշեց.«Կոնկրետ գործուն քայլեր որևէ մեկը չի իրականացրել մետրոյի կայարանի կառուցման համար: Մենք առաջին անգամ՝ 2023 թ-ին Աջափնյակի մետրոյի իրական նախագիծ ենք պատվիրել։ Այդ նախագիծը պատրաստ կլինի այս տարվա վերջին, և այն կդնենք մրցույթի»,- ասաց Տիգրան Ավինյանը։
