Տեսանյութ. Երեւի 41 թվին այսպիսի բան չի եղել.Սա հա՞ց ա որ թխալ են, իշխանավորներն իրենց տներում ըսենց հաց խոխաներին կտա՞ն
Արցախցիները բողոքում են խանութներում հայտնված հացի որակից: Արցախցի մի կին տեսանյութ է հրապարակել՝ ցույց տալով, թե ինչ որակի հաց են ստացել. «Այսօր հաց ենք ստացել, գարիով է թխած: Ես չեմ հասկանում՝ մեր ղեկավարությունը, հիմնադրամը ի՞նչ տեսակի ալյուր է տալիս: Մարդը սա ո՞նց ուտի, իշխանությունն ի՞նչ է մտածում: ժողովուրդն ամեն ինչ զոհաբերելով, կյանք ու մահվան կռիվ տալով ապրում է... երեւի 41 թվին այսպիսի բան չի եղել: Սա հա՞ց է, որ թխել են: Խոստացել են անձին 200 գրամ հաց, դա էլ չեն անում: Մարդը ո՞նց կարող է սա դնել բերանն ու ուտել: Սա երեխաներն են ուտում: Մեր իշխանավորների տներում իրենց երեխաներին կթողնե՞ն նման հաց ուտեն: Ձեզ էշի տե՞ղ եք դնում: Ալյուր եք բաժանում փուռերին, նորմալ բաժանեք, որ նորմալ թխեն, բերեն բաժանեն:
Ոչ ոք ոչ մի բանի համար պատասխանատվություն չի կրում, անարխիա է, ամոթ ձեզ»: