Ինչ է սպասվում 36 կգ ոսկու, 293 միլիոն ռուբլու գործով 6 կալանավորվածներին առաջիկայում. «Ժողովուրդ»          Հուլիսի 24-ին կդադարեցվի հետևյալ հասցեների գազամատակարարումը       Հուլիսի 24-ին շինարարական աշխատանքներով պայմանավորված կդադարեցվի հետևյալ հասցեների ջրամատակարարումը    

16 սեպ 2023 12:43

Արցախահայության հարցերն իրենց ներքին գործն է և ՀՀ-ն չպետք է խառնվի դրանց.մինչև տարեվերջ խաղաղության պայմանագիր կկնքենք

Ադրբեջանը դեռևս հույս ունի մինչև տարեվերջ Հայաստանի հետ խաղաղության պայմանագիր կնքել։ Այդ մասին ՏԱՍՍ-ին տված հարցազրույցում հայտարարել է Ադրբեջանի նախագահի օգնական Հիքմեթ Հաջիևը։


«Մենք դեռ հույս ունենք, որ խաղաղ պայմանագիր կստորագրվի մինչև այս տարվա վերջ և կոչ ենք անում Հայաստանի քաղաքական ղեկավարությանը կատարել հիմնական քայլը՝ պաշտոնապես, խաղաղության պայմանագրի տակ իրենց ստորագրությամբ, արձանագրել Ադրբեջանի տարածքային ամբողջականության ճանաչումը»,-ասել է նա՝ պնդելով, թե արցախահայության հարցերն իրենց ներքին գործն է և Հայաստանը չպետք է խառնվի դրանց։


Հաջիևը նաև անջատողականության ֆինանսավորում է որակել Արցախի Հանրապետության սոցիալ-տնտեսական խնդիրները լուծելու համար Հյաստանից միջպետական վարկերի հատկացումը:


Հիշեցնենք, որ 2020թ.-ին սանձազերծած 44-օրյա ագրեսիայի հետևանքով օկուպացվեցին Արցախի Հանրապետության նոր տարածքներ, 40  հազարից ավել արցախցիներ բռնագաղթեցին իրենց հազարամյա բնօրրանից, արդյունքում՝ արցախյան հիմնահարցը, որն ազգերի ինքնորոշման հարթությունում է, ոչ թե լուծվեց, այլ ավելի խորացվեց: Ադրբեջանն արդեն 10 ամիս է լիակատար բլոկադայի մեջ է պահում Արցախը՝ տեղի բնակչությանը կանգնեցնելով աղետի առաջ:

Մեկնաբանություններ


Համընկնող լուրեր