«Լավ են արել, մի հատ հաշվեք, թե քանի շիշ է գլխիս ընկել». Ոստիկանապետը՝ լուսաձայնային նռնակներ կիրառելու մասին          Ոստիկանությունն անցավ հատուկ միջոցների․ կիրառվում են լուսաձայնայն նռնակներ       Ինչո՞ւ են Մոսկվան և Արևմուտքը հեռու մնում հայաստանյան իրադարձություններից. չբացահայտված ինչ-որ արտաքին ո՞ւժ է ազդել այս իրադարձությունների վրա    

16 սեպ 2023 16:30

Թուրքիայի դեմ նման զրպարտությամբ հանդես գալուն պատասխան կտրվի. Թուրքիայի ԱԳՆ–ն` ԱՄՆ Պետդեպի զեկույցի մասին

Թուրքիայի ԱԳՆ-ն կտրուկ քննադատել է ԱՄՆ Պետդեպարտամենտի զեկույցը, որում երկրին մեղադրել են երեխաների հավաքագրման մեջ։ Այս մասին հայտնում է ՌԻԱ Նովոստին։


«Ակնկալվում էր, որ ԱՄՆ–ն, որը ռազմական և ֆինանսական աջակցություն է ցուցաբերում ՔԱԿ/YPG ահաբեկչական կազմակերպությանը , որը բռնի հավաքագրում է երեխաների Սիրիայում և Իրաքում ահաբեկչություններին մասնակցելու համար, կբախվի այս իրականությանը նախքան Թուրքիայի դեմ նման զրպարտությամբ հանդես գալը։


Լուրջ կասկածներ է առաջացնում տեղեկության աղբյուրների օբյեկտիվությունը, որոնց հիման վրա ԱՄՆ իշխանությունները հիմնավորում են իրենց որոշումները։ Դաշնակցային ոգու հետ անհամատեղելի այս զրպարտությանը անհրաժեշտ պատասխան կտրվի», – ասվում է Թուրքիայի ԱԳՆ հայտարարության մեջ։


Գերատեսչությունում նշել են, որ Սիրիայում իրավիճակի հետաքննման ՄԱԿ–ի հանձնաժողովի` 2023 թվականի սեպտեմբերի 12-ի զեկույցում ՔԱԿ/YPG ահաբեկչական կազմակերպության բազմաթիվ լուրջ հանցագործություններ են արձանագրվել, այդ թվում երեխաների հավաքագրում, նրանց առևանգում, ազատազրկում և ռազմական նպատակներով դպրոցների օգտագործում։


«2022 թվականին կրոնի ազատության մասին ԱՄՆ Պետդեպի Իրաքի վերաբերյալ զեկույցում նշվում է, որ ՔԱԿ–ը հարյուրավոր եզդի երեխաների է առևանգել բռնի հավաքագրման և գաղափարական «ուղեղի լվացման» նպատակով։ Կցանկանայինք հիշեցնել, որ անջատողական ահաբեկչական կազմակերպության բռնի պրակտիկայի և լուրջ հանցագործությունների ուսումնասիրությունը ԱՄՆ հիմնական պարտավորություններից մեկն է», – ասվում է ԱԳՆ–ի հայտարարության մեջ։


Նշվում է, որ Թուրքիան պահպանում է տարածաշրջանային և միջազգային համաձայնագրերը և նախկինի պես վճռականորեն շարունակելու է իր ջանքերը` ուղղված մարդկանց վաճառքի հետ կապված հանցագործությունների կանխարգելմանը։


Ավելի վաղ ԱՄՆ Պետդեպը Թուրքիան ներառել էր երեխա զինվորներին օգտագործող երկրների ցանկում։


Մեկնաբանություններ


Համընկնող լուրեր