Տեսանյութ.Այս պայքարն ավելին է, քան սոսկ աթոռի փոփոխությունը․ Բագրատ Սրբազան          Տեսանյութ.Ազգային Ժողովի մոտ հանրահավաք է. ԱԺ արտահերթ նիստը չկայացավ       Ով է գործակալը․ ԱԱԾ պահեստազորի սպաների միություն    

18 սեպ 2023 18:31

Վրաստանում բռնի իշխանափոխություն են ուզում անել արտասահմանյան երկրների համակարգմամբ եւ ֆինանսական աջակցությամբ

Վրաստանի պետական անվտանգության ծառայությունը հանդես է եկել արտակարգ հայտարարությամբ՝ պնդելով, որ երկրում նախատեսվում է բռնի իշխանափոխություն, հաղորդում է Նովոստի Գրուզիան։

«Անձանց որոշակի խումբ ծրագրում է ապակայունացում եւ քաղաքացիական անկարգություններ Վրաստանում այս տարվա հոկտեմբեր-դեկտեմբեր ամիսներին, վերջնական նպատակը բռնի իշխանափոխությունն է»,-ասվում է հայտարարության մեջ:

Հայտարարության մեջ ասվում է, որ այդ որոշակի անձինք իրենց տրամադրության տակ ունեն տեղեկատվական ցանցեր, որոնք հանրային հուզումներ են նախապատրաստում՝ օգտագործելով Վրաստանի կառավարության ռուսամետության թեզը:

Պլանի նախապատրաստման հետ կապ ունեցողների թվում Վրաստանի ՊԱԾ-ը նշել է Ուկրաինայի ռազմական հետախուզության ղեկավարի տեղակալ Գեորգի Լորտկիպանիձեին եւ Վրացական լեգեոնի հրամանատար Մամուկա Մամուլաշվիլիին:

ՊԱԾ-ի հավաստմամբ ՝ ծրագրի իրականացումը պլանավորվում է արտասահմանյան երկրների համակարգմամբ եւ ֆինանսական աջակցությամբ:

«Կազմակերպիչները դիտարկում են 2014 թվականի Ուկրաինական «Եվրամայդանին»  նման սցենարի հնարավորությունը»,-ասվում է հայտարարության մեջ։

ՊԱԾ-ը նաեւ գրում է, որ կանխարգելիչ միջոցներ է ձեռնարկում։  

Մեկնաբանություններ


Համընկնող լուրեր