Թռուցիկներ են բաժանել Արցախի բնակչությանը՝ կոչ անելով հանձնվել, սպառնացել են սպանել բոլորին, ովքեր չեն հանձնվի
Ադրբեջանի ՊՆ-ն հայտնում է, որ թռուցիկներ են բաժանում Արցախի բնակչությանը՝ կոչ անելով հանձնվել։ Ըստ էության, խոսքը շրջափակման մեջ հայտնված բնակավայրերի մասին է։ Ըստ այդ երկրի ՊՆ մամուլի ծառայության ղեկավար Անար Էյվազովի՝ «տարբեր միջոցներով» թռուցիկներ են բաժանվում ոչ միայն քաղաքացիական բնակչությանը, այլև զինծառայողներին։Ըստ ներկայացված թռուցիկների՝ կոչ են անում ենթարկվել ադրբեջանական կանոններին, վայր դնել զենքերը, իսկ զենքով դիմադրություն ցուցաբերելու դեպքում սպառնում են սպանել։
