Տարադրամի շուկայում ինչ փոխարժեքներ են սահմանվել հուլիսի 3-ի համար          Ո՞ւմ են ուղղված «եվրոպական» մեսիջները, և ինչի՞ է պատրաստ Փաշինյանը. «Փաստ»       Հերթը հասավ «պարականոն» սպառնալիքներին. ի՞նչ սպասել առաջիկայում. «Փաստ»    

13 հոկ 2023 16:45

Թուրքիայի գործողությունները Սիրիայում և Իրաքում սպառնում են ԱՄՆ ազգային անվտանգությանը․ Սպիտակ տուն

ԱՄՆ նախագահ Ջո Բայդենը երկարաձգել է Սիրիայի հետ կապված արտակարգ դրությունը: Այս մասին տեղեկանում ենք ermenihaber.am-ից։

«Իրավիճակը Սիրիայում և, մասնավորապես, թուրքական կառավարության գործողությունները՝ ուղղված Սիրիայի հյուսիս-արևելքում ռազմական հարձակմանը, խաթարում են Իրաքում և Սիրիայում «Իսլամական պետություն» ահաբեկչական կառույցին ջախջախելու արշավը, վտանգի տակ է դնում խաղաղ բնակչությանը և տարածաշրջանում խաղաղությունը, անվտանգությունը և կայունությունը»,- նշված է Սպիտակ տան կայքում հրապարակված հրամանում։

Նշվել է նաև, որ արտակարգ դրությունը կշարունակի գործել 2023 թվականի հոկտեմբերի 14-ից հետո։

Հիշեցնենք, որ վերջերս ԱՄՆ-ի զինված ուժերը Սիրիայի երկնքում խոցել էին թուրքական ԱԹՍ, որը թիրախավորում էր տեղի քրդական ուժերին, որոնց Թուրքիան համարում է ահաբեկչական, իսկ Վաշինգտոնը` ոչ:

Մեկնաբանություններ


Համընկնող լուրեր