Սմարթֆոնների` iPhone 15 Pro/Max-ի4 բացառիկ շարք՝ նվիրված այլմոլորակային կյանքին. գինն սկսվում է 7910 դոլարից
Դուբայում գործող Caviar International ապրանքանիշը, որը մասնագիտացած է էլեկտրոնիկայի և աքսեսուարների բացառիկ նմուշների արտադրության մեջ, թողարկել է սմարթֆոնների բացառիկ շարք՝ նվիրված այլմոլորակային կյանքին: Նոր շարքը ներառում է iPhone 15 Pro/Max սմարթֆոնների երեք տարբերակ, որոնցից ֆլագմանայինը կոչվել է Alien և զարդարված է երկնաքարի փոքրիկ բեկորներով։Caviar ընկերության PR բաժնի ներկայացուցիչ Անա Ալ Հոսանին ասել է, որ ընկերությունը որոշել է սմարթֆոնների նախագծման մեջ արտացոլել այլմոլորակայիններին, աստղերին ու տիեզերանավերին՝ հարգանքի տուրք մատուցելով Երկրի վրա կյանքի ծագման առեղծվածին։
Շարքի ֆլագմանային մոդելը զարդարված է Մուրչիսոնյան երկնաքարի բեկորներով, որոնք պարունակում են այլմոլորակային կյանքի հետքեր՝ ավելի քան 15 ամինաթթուներ, որոնք ընկած են մեր ԴՆԹ-ի, ինչպես նաև Երկրի վրա ողջ կյանքի հիմքում: Գիտական հետազոտությունների համաձայն՝ երկնաքարի տարիքը գերազանցում է 7 միլիարդ տարին, այսինքն՝ այն ավելի քան 4,5 միլիարդ տարով մեծ է մեր մոլորակից ու արեգակնային համակարգից։
Շարքը ներառում է նաև տիեզերքից ներշնչված դիզայնով Astral և Starship մոդելները, որոնք զարդարված են տիեզերքի և տիեզերանավի պատկերներով, ինչպես նաև Լուսնի և Մարսի երկնաքարերի բեկորներով: Սարքերը պատրաստվել են 24 կարատանոց ոսկուց, ինքնաթիռի տիտանից և չժանգոտվող պողպատից։
Caviar-ի արտադրած iPhone 15 Pro/Max սմարթֆոնների այս տարբերակների գինն սկսվում է 7910 դոլարից։
Աղբյուրը` tech.news.am
