Թուրքիայում շների ոհմակը հարձակվել է տարեց կնոջ վրա. տեսախցիկը ֆիքսել է դաժան տեսարանը
Թուրքիայի Մուշ նահանգի Վարթոյի շրջանում շների ոհմակի հարձակման հետևանքով 79-ամյա կինը վնասվածքներով տեղափոխվել է հիվանդանոց։
Թուրքական Hurrıyet-ի փոխանցմամբ՝ տարեց կինը գյուղի միջով քայլելու ժամանակ տարբեր կողմերից հարձակման է ենթարկվել շների կողմից։ Նրանք պատառոտել են կնոջ հագուստը, կծոտել ոտքերի և ձեռքերի հատվածում:
Շների հեռանալուց հետո օգնության հասած հարևանները տարեց կնոջը տեղափոխել են հիվանդանոց, վերջինիս վերքերը մշակվել են, կինը ստացել է կատաղության դեմ պատվաստում: