Ինչպիսին պետք է լինի զույգերի տարիքային տարբերությունը
Ի՞նչ տարիքային տարբերություն են գերադասում տղամարդիկ և կանայքԿանայք, որպես օրենք, փնտրում են նույն տարիքի կամ մի քանի տարի մեծ զուգընկեր: Իսկ տղամարդիկ, անկախ նրանից, թե քանի տարեկան են իրենք, փորձում են հարաբերություններ կառուցել 20 տարեկանին մոտ կանանց հետ:
Կանանց մոտ տարիքային տարբերության գերադասությունը չի փոխվում կյանքի ընթացքում, իսկ որքան մեծ է դառնում տղամարդը, այնքան ավելի մեծ տարիքային տարբերությամբ զուգընկերուհու հետ է նա պատրաստ ապրել:
Տարիքային մեծ տարբերությունը կարո՞ղ է վնասել հարաբերություններին
ԱՄՆ-ում կատարված հետազոտություններից մեկը ցույց է տվել, որ 5 տարուց փոքր տարիքային տարբերությամբ զույգերը 18%-ով ավելի հազվադեպ են բաժանվում, քան մնացածը: Սակայն տարիքի և բաժանումների միջև ուղիղ կապ՝ գիտնականները այդպես էլ չեն կարողացել ապացուցել: Հնարավոր է, բանը այդքան զույգերի տարիքային տարբերության մեջ չէ, որքան անձնական որակների, որ բնորոշ են մարդկանց, որոնք գերադասում են տարիքային առումով ոչ հավասար ամուսնություններ:
Տղամարդկանց համար տարիքայի մեծ տարբերությունն ավելի շահեկան է, քան կանանց
Շվեդ հետազոտողները պարզել են, տղամարդիկ, որոնց կանայք զգալիորեն երիտասարդ են՝ միջինում ավելի երկար են ապրում:
Մեծ Բրիտանիայի գիտնականները գտել են, որ ամուսնությունները 30-ն անց կանանց և նրանցից 10 տարի փոքր տղամարդկանց միջև՝ բոլորից ավելի հաճախ են ենթարկվում բաժանությունների:
Տարիքային ո՞ր տարբերությունն է իդեալական
Հարցին, թե որքան պետք է լինի ամուսինների տարիքային տարբերությունը, ունիվերսալ պատասխան գոյություն չունի: Ավելի լավ է ուշադրություն չդարձնել նախապաշարմունքներին և գործել այնպես, ինչպես դուք եք ցանկանում: Անձնական երջանկությունը չի որոշվում նրանով, թե քանի տարեկան եք դուք և քանի տարեկան է Ձեր զուգընկերը:
