Էստոնիայում ուժի մեջ է մտել «ամուսնությունների հավասարության» օրենքը
Էստոնիայում ուժի մեջ է մտել «ամուսնությունների հավասարության» օրենքը, որի համաձայն՝ երկու չափահասներ կարող են ամուսնանալ՝ անկախ սեռից։«Սա պատմական իրադարձություն է, որը վերջ կդնի տարիներ տեւող բազմամյա իրավական խառնաշփոթին եւ Էստոնիայի բոլոր բնակիչների համար կապահովի անվտանգության զգացողություն եւ հավասար իրավունքներ»,- ասել է երկրի սոցիալական պաշտպանության նախարար Սիգնե Ռիիսալոն։
Նա հույս է հայտնել, որ չհիմնավորված երկյուղները կանհետանան, իսկ նոր օրենքի քննադատները կհասկանան, որ «ոչ մեկից ոչինչ չի խլվում, բայց շատերին մի շատ կարեւոր բան է տրվում»։
