Վրաստանի վարչապետ Իրակլի Ղարիբաշվիլին հրաժարական է տվել
Վրաստանի վարչապետ Իրակլի Ղարիբաշվիլին հայտարարել է պաշտոնը լքելու որոշման մասին։Ղարիբաշվիլին վարչապետի պաշտոնը զբաղեցրել է երկու անգամ՝ 2021-ից 2024 թվականներին և 2013-ից 2015 թվականներին։ Նա միլիարդատեր Բիձինա Իվանիշվիլիի աջ ձեռքն էր «Վրացական երազանք» կուսակցության հիմնադրման ժամանակ, որը երկիրը ղեկավարում է 2012 թվականից։
Սկզբում Ղարիբաշվիլին ղեկավարում էր ՆԳՆ-ն, ապա 2013 թվականին վարչապետի պաշտոնում փոխարինեց անձամբ Իվանիշվիլիին՝ այդ պաշտոնում մնալով մինչև 2015 թվականի վերջ։ Ղարիբաշվիլին այնուհետև դարձավ Վրաստանի պատմության մեջ ամենաերիտասարդ վարչապետը (31 տարեկան)։
