Լեռնային Ղարաբաղում էթնիկ զտումների փաստը կասկածի ենթակա չէ. Զատուլին
Լեռնային Ղարաբաղում էթնիկ զտումների փաստը կասկածի ենթակա չէ։ Այս մասին «Газете.Ru»-ին հայտարարել Է Պետդումայի ԱՊՀ հարցերով կոմիտեի ղեկավարի առաջին տեղակալ Կոնստանտին Զատուլինը:
Նա ընդգծել է, որ Ադրբեջանի կողմից էթնիկ զտումներ Ղարաբաղում իսկապես եղել են, «ինչ էլ որ այնտեղ ասեն, մեզ մոտ աշխարհում, միջազգային կազմակերպություններում եւ այլն»:
«Թեկուզ այն իմաստով, որ Լեռնային Ղարաբաղի բնակչությունը լքել է իր բնակարանները այն հողից, որն իրենց հայրենիքն է»,-Զատուլինի խոսքը մեջբերում է պարբերականը:
Ավելի վաղ ճեպազրույցի ժամանակ ՌԴ ԱԳՆ պաշտոնական ներկայացուցիչ Մարիա Զախարովան առաջարկել էր որևէ փաստ ներկայացնել:
«Եթե կա միջազգային որևէ կազմակերպության որևէ փաստաթուղթ, որը Երևանում հեղինակավոր են համարում (օրինակ՝ ՄԱԿ-ը կամ որևէ այլ) հայտարարություն, որը վկայում է այն մասին, որ նման էթնիկ զտումներ եղել են, բարի եղեք, մեզ հղում տվեք այդ փաստաթղթին»,-ասել Է ՌԴ ԱԳՆ ներկայացուցիչը: