Ռուսաստանի ԱԴԾ-ն սրբապատկերներում հայտնաբերել է տրոտիլի հզորությանը գերազանցող հեքսոգեն
ՌԴ Պսկովի մարզում սրբապատկերներում հայտնաբերել են հեքսոգեն, որի զանգվածը բավական է հինգհարկանի բնակելի շենքի պայթեցման համար։ Այս մասին հայտնել է ՌԴ ներքին գործերի նախարարության փորձագիտական-քրեագիտական կենտրոնի Պսկովի մարզի բաժնի ղեկավար Դմիտրի Բելոցերկովսկին։«Սրբապատկերներում հայտնաբերվել է մեծ հզորության պլաստիկ պայթուցիկ նյութ՝ հեքսոգեն։ Այդ պայթանյութի հզորությունը 1,5 անգամ գերազանցում է տրոտիլի հզորությունը։ Առգրավված պայթանյութի զանգվածը բավարար է հինգհարկանի բնակելի շենքի պայթեցման համար», - նրա խոսքերն է մեջբերում ՏԱՍՍ-ը:
