Ռուսական բանակը վարկաբեկողը համերգ կտա Երևանում
«Ժամանակի մեքենա» «լեգենդար» խումբը մեծ համերգով հանդես կգա Երևանում ի պատիվ իր 55-ամյակի, հայտնում են հայկական լրատվամիջոցները` վկայակոչելով առաջիկա միջոցառման կազմակերպիչներին,-գրում է Eadaily.com-ը։Համերգը տեղի կունենա ապրիլի 13-ին, Կարեն Դեմիրճյանի անվան մարզահամերգային համալիրում։
«Բոլոր հիթերը` 1970-ականներից մինչև 2020-ականները, և միգուցե բոլորովին նոր բաներ, տեսաշոուի ուղեկցությամբ կկատարեն Անդրեյ Մակարևիչը, Ալեքսանդր Կուտիկովը, Վալերի Եֆրեմովը»,-ասվում է հայտարարության մեջ։
Հիշեցնենք, որ Անդրեյ Մակարևիչը հատուկ ռազմական գործողության մեկնարկից հետո, 2022 թվականին դարձել է առաջինը Ռուսաստանում, ով ընդգրկվել է օտարերկրյա գործակալների ցուցակում ոչ թե արտաքին ֆինանսավորման, այլ արտաքին ազդեցության պատճառով։
Երաժիշտն այդ կարգավիճակում է հայտնվել արտասահմանյան լրատվամիջոցներին, այդ թվում` տխրահռչակ ուկրաինացի լրագրող Դմիտրի Գորդոնին տված հարցազրույցներում ռուսական բանակը վարկաբեկող մի շարք հայտարարությունների պատճառով։
Դժվար է ասել, թե Մակարևիչի գլխավորած «լեգենդար» խմբի առաջիկա հյուրախաղերը այդ Անդրկովկասյան հանրապետության հերթական «անբարյացակամ քայլն» է, թե ոչ, բայց հիշյալ օտարերկրյա գործակալի` նման երաժշտական ճանապարհորդության տհաճ հետհամը որոշակի մտքերի է հանգեցնում։
Հայ-ռուսական հարաբերությունների ներկա փուլը բնութագրվում է զգալի փոխադարձ լարվածությամբ` Երևանի մի շարք այնպիսի քայլերից հետո, որոնք Մոսկվայում համարվել են ոչ բարեկամական և նույնիսկ «հակառուսական»:
Դա Միջազգային քրեական դատարանի` Հռոմի ստատուտի վավերացումն է, Միացյալ Նահանգների հետ համատեղ զորավարժությունների անցկացումը, հանրապետության քաղաքական ղեկավարության ներկայացուցիչների հանդիպումները Կիևի ռեժիմի ներկայացուցիչների հետ և այլն։
Երկկողմ հարաբերություններում նոր գրգռվածություն է հայտնվել Հայաստանի ղեկավարության կողմից վերջերս բարձրացված հարցի արդյունքում, որն է` ՀԱՊԿ-ում հանրապետության մասնակցության «սառեցումը» և Ռուսաստանի հետ գործընկերության մեջ նրա անվտանգության ապահովման մեխանիզմի «անարդյունավետության» մասին հայտարարությունը։
Այդ առումով Երևանը սկսել է խոսել իր արտաքին քաղաքականության «դիվերսիֆիկացման» անհրաժեշտության մասին։
