Որևէ իրավապահ մարմին մինչ օրս որևէ տեղեկություն չի հայտնել հնարավոր որևէ քրեական գործի վերաբերյալ
Ազգային ժողովի պաշտպանության և անվտանգության հարցերի հանձնաժողովի նախագահին էր հանձնարարված հեգնական տոներով պատասխանել Արշակ Կարապետյանին։ Երեկ խորհրդարանում լրագրողների հետ ճեպազրույցում Արդրանիկ Քոչարյանը նշել է, որ ինքը նայել է ամբողջ համագումարի ընթացքը, և ավելացրել, թե «Արմենիա Մարիոթում» կայացած համագումարը սակավամարդ է եղել։ «Էնքան տպավորված եմ նաև «Մարիոթում» համագումարից, նայեք համագումարի դահլիճն ինչի՞ ցույց չտվեցին»,-հայտարարել է Անդրանիկ Քոչարյանը:
Անդրանիկ Քոչարյանը նաև հիշել է ապրիլյան քառօրյա պատերազմը։ Ավելին, Կարապետյանին կոչ է արել վերադառնալ Հայաստան և Հայաստանում ստեղծել իր նշած տրիբունալը, որը պետք է դատի Նիկոլ Փաշինյանին։
Ըստ ամենայնի՝ հենց Արշակ Կարապետյանի այս առաջարկն է, որ հունից հանել է գործող իշխանությունների ներկայացուցիչներին և իրենք էլ չեն բացառում, որ Հայաստան վերադառնալու դեպքում, Արշակ Կարապետյանը ձերբակալվելու է գործող իշխանությունների կողմից, մինչդեռ փաշինյանական իշխանության որևէ իրավապահ մարմին մինչ օրս որևէ տեղեկություն չի հայտնել հնարավոր որևէ քրեական գործի վերաբերյալ, ինչը վկայում է, որ Նիկոլ Փաշինյանի իշխանությունը չափազանց ծանր է տանում իր հասցեին քննադատությունը և հատկապես Արշակ Կարապետյանից։
